Meny Lukk

Prisar

GULLFLUGE-PRISEN

Gullfluge-prisen, tidlegare LangDok-prisen, delast ut til beste lange dokumentarfilm. Filmen må vere over 50 minutt, produsert av norske, profesjonelle filmskaparar. Vinnaren av prisen får flugepris og dekt ferd og opphald til neste års festival.

Juryen for 2021:

Hans Martin Dypvik, høgskulelærar ved Institutt for journalistikk i Volda. Tidligere underviser i dokumentar på Høgskulen i Volda.

Charlotte Loxley Helleland, dokumentarfilm-skaper, journalist i Bergens Tidende. Har gått fjernsynsjournalistikk og dokumentarfilm ved Høgskulen i Volda.

Turid Rogne, har sida 2005 regissert og produsert dokumentarfilmar og kortfilmar for Aldeles AS.

David Alræk, utdanna regissør frå Høgskolen i Lillehammer. Fekk prisen for Årets talent på BIFF 2016, pris for Beste mellomlange dokumentarfilm og Publikumsprisen under DOKFILM 2017 med filmen Til Månen med Bestefar.

Ildfluge-prisen

Ildfluge-prisen, tidlegare KortDok-prisen, delast ut til beste korte/mellomlange norske film, under 50 minutt. Vinnaren får dekt ferd og opphald under neste års festival.

Juryen for 2021:

Janne Amble, norsk TV-regissør, produsent og programleiar. Ho har jobba med ulike TV-dokumentarar, blant anna i Novemberfilm med MAX-serien "Insider". For tida aktuell med "Norge bak fasaden".

Andreas Solbakken, lærar ved institutt for film og animasjon ved Høgskulen i Volda, medieprodusent og fotograf.

Weronika Nitsch, filmskapar som blant anna blei nominert til Amanda-prisen i 2019, og er tidlegare vinnar av Dokfilm si Studentpris (no Nymfeprisen) og Publikumspris.

Nymfeprisen

Nymfeprisen, tidlegare StudentDok-prisen, delast ut til beste norske studentfilm. Vinnaren får pris og høve til å sitja i ein av juryane under neste års festival.

Juryen for 2021:

Olaug Spissøy Kyvik, regissert, skrive og fotografert fleire kortfilmar og dokumentarar.

Åge Andre Breivik, medielærar ved Volda Vidaregåande Skule, journalist og tidlegare leiar av Dokfilm 2008.

Ida Wilstrup, fekk hederleg omtale under Dokfilm 2019 med filmen Usett Mann. Jobbar frilans som videoinnhaldsskaper, journalist og fotograf.

Publikumsprisen

Alle filmane er med i konkurransen om publikumsprisen. Vinnaren vert røysta fram av publikum. Publikumsfavoritten får pris og høve til å sitja i ein av juryene under neste års festival.

Kjøp festivalpass

Med festivalpass får du tilgang til filmar, festar og mykje, mykje meir!