Meny Lukk

OM DOKFILM

INFORMASJON OM DOKFILM 2021

Hei, alle vennar av Dokfilm!

Vi gler oss til å snart kunne offentleggjere innhaldet i programmet for årets festival. Enn så lenge ønskjer vi å avklare korleis årets festival vil bli haldt med tanke på en stadig endra koronasituasjon.

Festivalen i år blir heldt fysisk i Volda! 

Det blir også tilbode ein digital løysing for dei som ikkje kan reise til Volda frå områder med høgt smittetrykk. Det vil seie:

Alle filmar og foredrag vil bli vist i kinosalen på samfunnshuset i Volda. Salen er stor, og vi vil justere kapasiteten etter dei gjeldande reglane.

I år vil vi ikkje kunne halde ein stor laurdagsfest, av naturlege grunnar. Likevel vil det mellom og etter filmvisingane kunne sosialiserast i festivalteltet utanfor samfunnshuset. Og sjølvsagt gir vi mogelegheit til å nyte ein øl dersom det ikkje er nasjonal skjenkestopp!

Digital Billett

Vanlegvis reiser filmskaparar og besøkande frå heile landet til Volda for å være til stede under festivalen. I år kan det bli vanskeleg. Difor vil vi i år tilby ei digital visning av foredraga på samfunnshuset. Foredraga i år skal engasjere med godt innhald, og vi er stolte av å kunne levere ein fleirkameraproduksjon produsert av Student–TV Volda.

Tida framover

Dokfilm følgjer naturlegvis dei gjeldande smittevernsanbefalingane frå regjeringa, og med stadig endra smittesituasjon må vi tilpasse oss. Det er alltid ein fare for full nedstenging, og dersom festivalen må avlysast, vil vi naturlegvis refundere alle billettar.

Året 2020 var eit tøft år for kulturbransjen. Desto viktigare blir det å fremme dei som har klart å gjennomføre. Vi gler oss difor til å igjen vise det beste av norsk dokumentarfilm og fremme unge norske filmskaparar!

 

Kva er Dokfilm?

Den Norske Dokumentarfilmfestivalen, eller Dokfilm som han heiter på morsmålet, er den største og eldste festivalen for norsk dokumentarfilm. Festivalen gjekk av stabelen for fyrste gong i 1997, og har sidan den gong vore eit arrangement der filmskaparar og publikum møtest kvar vår i vakre Volda. I år arrangerast festivalen frå onsdag 21. april til søndag 25. april.

Den Norske Dokumentarfilmfestivalen har som målsetjing å syne det beste av norsk dokumentarfilm og å fremje unge filmskaparar. Vi ynskjer å vere ein boltreplass for norske dokumentarfilmfolk og at publikum skal få augo opp for kva norsk dokumentar har å by på. Fire prisar vert delt ut under festivalen – beste lange dokumentar (Gullfluga), beste korte/mellomlange dokumentar (Ildfluga), beste studentproduksjon (Nymfeprisen) og publikumsprisen.

Under Dokfilm vert det også arrangert ulike seminar og aktivitetar. Vi har også ein eigen festivalkafé der du kan kjøpe frukost, lunsj og middag for ein billig penge og eit privat festivalområde med DokumenBar og utetelt der ein kan treffe andre besøkande i vårvêret.

Frivillige studentar ved Høgskulen i Volda er drivkrafta bak festivalen, med god hjelp frå sponsorar og folket på Sunnmøre. Dokfilm er ein ideel festival med mykje sjel. Vi trur at vestlandsluft passar betre saman med dokumentarfilm, og vi vil at kvar og ein skal ha høve til å kome på festivalen vår. Difor har vi eit særs billeg festivalpass (200 kr) som alle kan ha råd til.

Vi er stolte av festivalen vår, og vi vil gjere så godt vi kan for at du skal trivast!

Kjøp festivalpass

Med festivalpass får du tilgang til filmar, festar og mykje, mykje meir!