Den Norske Dokumentarfilmfestivalen, eller Dokfilm som han heiter på morsmålet, er den største og eldste festivalen for norsk dokumentarfilm. Festivalen gjekk av stabelen for fyrste gong i 1997, og har sidan den gong vore eit arrangement der filmskaparar og publikum møtest kvar vår i vakre Volda. Den Norske Dokumentarfilmfestivalen har som målsetjing å syne det beste av norsk dokumentarfilm og å fremje unge filmskaparar.
Vi ynskjer å vere ein boltreplass for norske dokumentarfilmfolk og at publikum skal få augo opp for kva norsk dokumentar har å by på. Fire prisar vert delt ut under festivalen – beste lange dokumentar (Gullfluga), beste korte/mellomlange dokumentar (Ildfluga), beste studentproduksjon (Nymfeprisen) og publikumsprisen.
Frivillige studentar ved Høgskulen i Volda er drivkrafta bak festivalen, med god hjelp frå sponsorar og folket på Sunnmøre. Dokfilm er ein ideell festival med mykje sjel. Vi trur at vestlandsluft passar betre saman med dokumentarfilm, og vi vil at kvar og ein skal ha høve til å kome på festivalen vår.
Vi er stolte av festivalen vår, og vi vil gjere så godt vi kan for at du skal trivast!
Dokfilm 2027 går av stabelen 22.–25. april 2027 i Volda. I 2027 fyller festivalen 30 år, så det blir ekstra mykje å feire! Du kan sjå fram til fire dagar med det beste av norsk dokumentarfilm, møte med filmskaparar og prisutdeling. Programmet blir lagt ut her på nettsida i god tid før festivalen.
Under festivalen deler vi ut fire prisar: Gullfluga for beste lange dokumentar, Ildfluga for beste korte eller mellomlange dokumentar, Nymfeprisen for beste studentproduksjon og publikumsprisen, der det er du som publikum som stemmer fram vinnaren. Du kan sjå tidlegare vinnarar på sida «Vinnarar».
Billettsalet til Dokfilm 2027 opnar seinare. Når salet er i gang, finn du billettane via «BILLETTAR» i menyen øvst på sida. Følg oss på Instagram (@dokfilm) og Facebook, så får du vite det med ein gong billettane er ute. Har du spørsmål om billettar, kan du sende oss ein e-post på leder.dokfilm@gmail.com.
Ofte stilte spørsmål
[ OM FESTIVALEN ]
BAK DOKFILM 2027
BAK DOKFILM 2027
